கூந்தலில் முடிந்து வைத்த சூரியன்!

ஆதங்கங்கள் அற்ற வாழ்க்கையில்லை.
ஆற்றாமைகள் இல்லாத வாழ்க்கையில்லை. 
இரண்டையும் வெல்லாமல் போவதில்லை என்ற தீர்மானமே உறுதி. 
இறந்த இறப்பை பேசுதலென்பது விழலுக்கிரை நீர்.
வரும் வருங்காலமென்பது கானல்.
நிகழும் இன்றில் நன்று படலே என்னாற்றுப்படை!
எழுக !
வீழ்வெலாம் விபத்தென்றே இருக்கட்டும்.
நம்பிக்கை என்பது எதிர்பதங்களற்ற சிந்தனை மட்டுமன்று 
நேர்படும் சொல்லும்-செயலும்.
சூரியனற்ற வானை சொக்கவைக்கும் சந்திரச்சுடர் கூட சூரிய இரவலே.
சாயாக்களின் மாயங்களே, பாவனைகளின் சாதனைகளே கலையும்-வாழ்வும்.
வாழ்க. இறுதிவரை வாழ முயல்க .
அஸ்தமனம் என்பது ' அவ்வளவு தான்' என்று முடிவதல்ல.
'நாளை விடியும் ' என்பதன் அறிகுறி.
சில பூபாளங்களின் விதைகள் அஸ்தமனச்சிவப்பிலும், அடரிருட்டிலும் தான் கருத்தறிக்கின்றன.
இருள் விலகும்.
ஒளி படரும் என்பதே பகல்களுக்கான நம்பிக்கை.
Celebrate darkness to face the light !
Unless there is darkness there is no word ' Light '.

Comments

Post a Comment

Popular posts from this blog

ஓட்டம்

Image
நிற்காத ஓட்டம். கைப்பற்ற ஓட்டம். காலை துவக்கிய ஓட்டம். எனக்காய் நான் ஓடும் ஓட்டம். நிலையான ஓட்டம். நீங்காத ஓட்டம். யாருக்கும் காத்திராத ஓட்டம். வழித்துணைகள் தேடாத ஓட்டம். ஒரு நோக்கத்திற்கான ஓட்டம். யாரையும் நோக்காத ஓட்டம். யாரையும் நோகடிக்காத ஓட்டம். எனக்கான ஓட்டம். நின்று பார்க்க நேரமற்ற ஓட்டம். கண்காட்சிகள் அழகுதான். ராபர்ட் ஃப்ராஸ்ட் (Robert Frost) கவிதை போல. ஆனாலும்... நீண்ட தொடுவானம் போல தொடா வானங்களைத்தொட மண்ணில் ஓடுகின்றேன். அனுதாபங்கள் தேவைப்படாத விலங்கு நான் . என்னை நீங்கள் ஒரு துயர விலங்காக எண்ணியிருக்க அனுமதிக்க மாட்டேன். ஆதரவு தேவைப்படாத பேரோலம், பேரிரைச்சல் என் வாழ்க்கைப்பாதை. அதை இசையாக்கவும், இன்னிசையாக்கவும் என் தந்திகள் மீது நான் ஓடியோடி நடத்தும் ராக ஆலாபனைகளே என் பொழுதாம் மேடை. நானே ஒப்பனை, கதை, திரைக்கதை, இயக்கம் மற்றும் ஒளிப்பதிவு. என் வார்த்தைகளின் ஜனனத்தில், என் வாழ்வு ஜன்னல்கள். காற்று வந்து போகும் சாளரங்களிலும், என் பாட்டின் சுதி மாறாது. சுருதி பேதம் காணாத மனுஷ்ய ஓட்டம் என் வீடடையும் ஆட்டம்! இந்த ஓட்டம் முடிகையில் ந...
Read more

வலிமாலை...

Image
இதுவரை பாமாலையில் உங்கள் கண்களுக்குள் வளைய வந்த  Gladys Stephen  வரிகள் இன்று சின மாலையால் வலி மாலை தொடுக்கின்றது. பயமில்லா கற்றலுக்கு பள்ளிக்கல்வித்துறை போஸ்டர் அடித்து ஒட்டியுள்ளது. தொடுதலென்பது ஒரு காலத்தில் ஆசீர்வாதம். இன்று அசிங்கம். மடிவைத்து கொஞ்சியது ஒரு காலத்தில் குதூகலம் இன்றோ குற்றமும் - செயலும். Bad touch. Good touch சொல்லித்தருவதே பெற்றோரின் வலிந்த வேலை, வேறு வழியற்ற வேலை. குற்றங்களை சகித்து வாய்மூடி மனச்சிதைவிலும், மனநோயிலும் மாண்டுடைந்த மாணவ-மாணவியர் எத்தனை, எத்தனை  😈 ? ஒரு யுகத்திற்கான வலிகளோடு வாழும் மாணவப்பருவ ஞாபகங்கள் மணவாழ்விலும் மண்டையைப்பிளக்கின்றதை எத்தனையோ மனைவியர் சொல்லத்தெரியாமல் திக்பிரமைக்காட்டில் திகைத்து நிற்கின்றனரே. அம்மாக்களாய் மாறியபின்னும் துக்கம் நெஞ்சை அமுக்குகின்றதே. ஒரு சின்ன தொடுதல் மிகப்பெரிய குற்றம்! உணருங்கள் உணர்த்துங்கள். மானுடம் வாழட்டும்! Zoom பண்ணி போஸ்டரை வாசித்து ஷேர் பண்ணுங்கள் நம் அடுத்த தலைமுறை குற்ற உணர்வில் சாகாதிருக்கட்டும். வலி மாலையிலும் என் வாழ்த்துகள்!
Read more

உனக்காயொரு காலை.

காலையில் கண் விழி கண்களில் விண்ணொளி கண்டிடு,  நின்றிடு நீ. வரம் தேடிடு நாடிடு தெய்வதம் கொண்டிடு, கொண்டிரு நீ. வந்தனம் சந்தனம் குங்குமம் மங்கலம் சாற்றிடும் சந்ததம் நீ. பல முன்னையர் தந்தையர் ஈந்திடும் தத்துவம் சத்துவம் கொண்டிடு நீ. கயற் கண்ணியர், கன்னியர் கண்நிறை மங்கையர் காதலும் கொண்டிரு நீ. மலை மன்னரே மண்ணிடம் கொண்டிடும் தொண்டினை, பற்றினை பாட்டிடு நீ. வலை பின்னிய மின்னலை மீட்டிடும் மாரியை, மழை காரியை தந்திடு நீ. சுக சேதிகள் சொல்லிடும் தேதியை சோதியை, நாளினை நேரினில் தொட்டிடு நீ. பல வேதிகள் கூடிய வேதிம மீதியை கூடிட வேலையைச் செய்திடு நீ. சுப காலைகள் நாடிடும் மானுடம் மீதினில், பல வாழ்த்துகள் தந்திடு நீ. A  Gladys Stephen  காலையின் கவிமாலை !
Read more