ஒவ்வோர் நாளும் புதிது.

சலிப்பற்ற விடியல்களில்
மானுடம் விழிக்கின்றது. 
எத்தனை, எத்தனை நாட்கள்.
திரும்ப, திரும்ப நாட்கள்.
திகட்டாத நாட்கள்.
திரும்ப, திரும்ப பகல்கள் & விடியல்கள். சலிப்புறாத பயணமாய் விடிகின்றது. நாம் மட்டும் ஏன் சலிக்க வேண்டும்?
சூரியனுக்கே பெயர் சூட்டிய மானுடம் சூரியனோடு ஜெயிக்கலாமே!
ஒவ்வொரு பகலும் ஒரு சேதி,
ஒரு வாழ்த்து, ஒரு வரவேற்பு,
ஒரு வாய்ப்பு, வாழ வாழ்த்துகள்.
அப்படி என்னதான் பெரிய சவால்கள்? அத்தனையும் வெல்வோம்.
முயன்றால் முடியாததில்லை. முயன்றாலே வாழ்க்கை.
முயன்றதே வரலாறு.
வகுத்தவர் நெறியெலாம்
அவர்கள் வாழ்ந்து முடிந்த,
முடித்த வழியே.
அனுபவங்களும், சோதனைகளும் சாதனைகளின் பள்ளிக்கூடங்கள்.
முயன்றோர்க்கே மூவுலகும் முடியும். முயன்று முடித்ததே வாழ்க்கை முடியாதவர்க்கெல்லாம்
ஏது வாழலின் வேட்க்கை.
எழுந்து நடக்கவே வாழ்க்கை. உயரப்பறக்கவே சிறகுகள்.
வெற்றி பெறவே தோல்விகள்.
உயரம் செல்லவே படிக்கட்டுகள்.
நின்று விடல் மரணம்.
நில்லாது செல்லலே வாழ்க்கை.
எழுமின்!
நில்லாது செல்மின்!
காலை அழைப்பதாய் Gladys அறைகூவுகின்றேன் கேட்கின்றதா?
A Gladys Stephen Good Morning!

Comments

Post a Comment

Popular posts from this blog

என் முதல் கவிதை

ஆலயத்தினுள், கணீரென்ற குரல் ‘சத்தாய் நிஷ்க்களமாய்’ சுவர்களில் பட்டுத்தெரித்தது.... குரலின் சொந்தக்காரனை தேடியது கண்கள்... பாடிக்கொண்டே பீடத்தின் முன் நின்றான் வெள்ளையங்கியினுள் என் தமிழன்... திருத்திய சிகை, சுருண்ட முடி, நேர்த்தியான புருவம், அடர்த்தியான மீசை, காதல் வழியும் கண்கள், செதுக்கிய மூக்கு, திறந்த செவிகள், உண்மையை உரைக்கும் உதடுகள். தமிழ் இத்தனை அழகா! என புரியவைத்த அழகன். சிந்தனையில் தெளிவு, வாயின் வார்த்தைகளில் தெரிந்தது. கருத்து சுதந்திரம் தற்ப்போது புரிந்தது. தோற்றத்தில் கம்பீரம் எப்போதும் தொடர்ந்தது. நிற்கும் போதும், நடக்கும் போதும், அமரும் போதும், பேசும் போதும். வெள்ளை நிறம் உன்னால் சிறப்பு பெற்றது. கருத்தும், சிந்தனையும் ஒவ்வொன்றும் அழகு, உன்னைப்போலவே. பேச்சினால் கூட்டத்தைக்கட்டுப்படுத்துவதை படித்திருக்கிறேன். ஆனால், தற்போது அனுபவித்துக்கொண்டிருக்கிறேன். தோற்றத்திலும் பேச்சிலும் வசீகரம், இரண்டும் ஒரு சேர அமைவது அரிது. அரிதிலும் அரிதானவன் நீ. பாடும்போது பரலோகத்திற்கு ஏணி வைத்து அழைத்து சென்றது உன் குரல்.... மன்றாடும் போது இதயத்தை உருக வைத்தது உன...
Read more

கொஞ்சம் தனியா விடுங்களேன் என்னை (Leave me alone..)

😞😞😞😞😞😞😞😞😞😞😞😞😞😞😞 ஆறு நாட்களுக்கு முன்பே அனிலின் ஆனந்தம் பறி போயிருந்தது. தன் நான்கு மாத குழந்தையை நிமோனியாவுக்கு பறி கொடுத்துவிட்டு துக்கிக்கக்கூட வழியில...
Read more

உனக்காயொரு காலை.

காலையில் கண் விழி கண்களில் விண்ணொளி கண்டிடு,  நின்றிடு நீ. வரம் தேடிடு நாடிடு தெய்வதம் கொண்டிடு, கொண்டிரு நீ. வந்தனம் சந்தனம் குங்குமம் மங்கலம் சாற்றிடும் சந்ததம் நீ. பல முன்னையர் தந்தையர் ஈந்திடும் தத்துவம் சத்துவம் கொண்டிடு நீ. கயற் கண்ணியர், கன்னியர் கண்நிறை மங்கையர் காதலும் கொண்டிரு நீ. மலை மன்னரே மண்ணிடம் கொண்டிடும் தொண்டினை, பற்றினை பாட்டிடு நீ. வலை பின்னிய மின்னலை மீட்டிடும் மாரியை, மழை காரியை தந்திடு நீ. சுக சேதிகள் சொல்லிடும் தேதியை சோதியை, நாளினை நேரினில் தொட்டிடு நீ. பல வேதிகள் கூடிய வேதிம மீதியை கூடிட வேலையைச் செய்திடு நீ. சுப காலைகள் நாடிடும் மானுடம் மீதினில், பல வாழ்த்துகள் தந்திடு நீ. A  Gladys Stephen  காலையின் கவிமாலை !
Read more